थप ३११४ कोरोना संक्रमीत,१६ जनाको मृत्यु

काठमाडौं ९ श्रावण :
बितेको २४ घण्टामा नेपालमा ३हजार ११४ जनामा कोरोना भाइरस संक्रमण देखिएको छ । स्वास्थ्य मन्त्रालयका अनुसार १० हजार ६२५ पीसीआर पिसिआर र ४२८४ एन्टीजेन परीक्षणमा थप ३ हजार ११४जनामा संक्रमण पुष्टि भएको हो । यो सँगै नेपालमा कोरोना भाइरसबाट संक्रमित हुनेको संख्या ६ लाख ६७ हजार १७ पुगेको छ ।
बितेको २४ घण्टामा पीसीआर र एन्टिजेन विधिबाट गरिएको १४ हजार ९१० परीक्षणमा ३ हजार ११४ जनामा संक्रमण पुष्टि भएको शनिबार मन्त्रालयले जनाएको छ ।
बितेको २४ घण्टामा थप २ हजार १९७ जना संक्रमणमुक्त भएका छन् । हालसम्म निको हुनेको संख्या ६ लाख ४ १हजार ५६५ रहेको छ । नेपालमा कोरोना संक्रमणबाट थप १६ जनाको मृत्यु भएको छ । हालसम्म कोरोनाबाट मृत्यु हुनेको संख्या ९ हजार ६९५ पुगेको छ ।

हालसम्म देशभर ३५ लाख २८ हजार ५१४ नमुनाको पीसीआर परीक्षण भएको छ । क्वारेन्टाइनमा ३४४ जना रहेका छन् भने आइसोलेसनमा रहनेको संख्या २७ हजार ७५७ रहेको छ ।