नेप्सेमा ८.२४ अंकको करेक्सन, कारोबार रकम भने उस्तै

गत आइतबार एकैदिन नेप्से परिसूचक अधिकतम ५४.३१ अंकले बढेर ३ हजार ५८.६३ विन्दुमा पुगेको थियो ।  नेप्सेका अनुसार यसदिन बैंकिङ्ग, विकास बैंक, म्युचुअल फण्ड तथा इन्भेष्टमेन्ट समूह बाहेकका सबैजसो समूहहरु पोजेटिभ हुँदा पनि बजार ८ अंक माथिले गिरावट आएको हो । यद्यपि गत आइतबारको तुलनामा कारोबार रकममा भने खासै गिरावट आएको छैन /

नेप्सेका अनुसार यसदिन कुल २२३ कम्पनीका ३ करोड ७० लाख कित्ता माथिको सेयर १ लाख ३७ हजार बढी पटक किनबेच हुँदा कुल १४ अर्ब १३ करोड ९७ लाख रुपैयाँको कारोबार भएको छ । जबकि गत आइतबार एकैदिन ५४ अंक माथिले नेप्से बढ्दा कुल १४ अर्ब २३ करोड २४ लाखको कारोबार भएको थियो /