एमालेद्वारा जितपुरसिमरामा प्रमुखमा १० र उपप्रमुखमा ६ जनाको नाम सिफारिस

नेकपा एमाले जितपुरसिमरा उपमहानगर कमिटीले बैशाख ३० गते हुने स्थानीय तहको निर्वाचनका लागि नगर प्रमुखमा १० जना र उपप्रमुखमा ६ जनाको नाम सिफारिस गरेको छ ।
प्रमुखमा एमाले नेता मनोज पौडेल,उप प्रमुख सरस्वती देबि चौधरी,एमाले नेताहरु कासिम हुसेन,नारायण क्षेत्री,भरत घले,अनिल मैनाली,महादेब चौधरी,प्रहलाद साह,राधेश्याम सिबाकोटी,बिस्वनाथ लामिछानेको नाम सिफारिस गरिएको छ । पौडेल २०७४ सालको निर्वाचनमा पनि नगरप्रमुखमा सिफारिसमा पर्नु भएको थियो ।
त्यसैगरी उपप्रमुखमा नगर अध्यक्ष भोला अधिकारी,जिल्ला सदस्य रेनु रिमाल,अनिता चौधरी,एमाले नेता अशोक लामा,महिला नेत्री कमला घिमिरे,सरिता चौधरीको नाम सिफारिस गरिएको छ ।