संसदीय दलको निर्वाचनका लागि कांग्रेसले बनायो निर्वाचन समिति

नेपाली कांग्रेसले संसदीय दलको नेता चयन गर्न ३सदस्यीय समिति गठन गरेको छ ।

पार्टी केन्द्रीय कार्यालय सानेपामा बसेको केन्द्रीय कार्यसम्पादन समितिको बैठकले सहमहामन्त्री भीष्मराज आङ्देम्बेको संयोजकत्वमा प्रकाश स्नेही र पुष्पा भुसाल सदस्य रहेको समिति बनाएको हो । संसदीय दलको नेताको चुनावको मिति तोक्ने र चुनाव गर्ने जिम्मेवारी समितिलाई दिइएको छ ।
बैठकले प्रदेशसभामा दलको नेता चयनको निर्वाचन अघि बढाउनका लागि प्रदेश समितिहरुलाई निर्देशन पनि दिएको प्रबक्ता प्रकाशसरण महतले जानकारी दिनुभयो ।