वीरगञ्ज बसपार्कमा रहेको होटल कलशमा पुरुषको शव भेटियो

बिरगंज ९ पौष :
वीरगञ्ज महानगरपालिका वडा नम्बर १७ का ६५ वर्षीय संतसाह तुराहाको शव फेला परेको छ ।

तुराहाको शव वीरगञ्ज बसपार्क क्षेत्रमा रहेको होटल कलशमा फेला परेको हो ।

जिल्ला प्रहरी कार्यालय, पर्साका प्रहरी नायव उपरीक्षक एवं प्रवक्ता किशोर लम्सालका अनुसार तुराहा सुतेकै अवस्थामा मृत फेला परेका हुन् । “शवमा कुनै किसिमको चोटपटकको संकेत देखिएको छैन,” लम्सालले भने ।
तुराहाको शव पोस्टमार्टमका लागि नारायणी अस्पताल पठाइएको छ । घटनाको थप अनुसन्धान भइरहेको प्रहरीले जनाएको छ ।

यस घटनाले स्थानीयहरूमा चिन्ता र कौतुहलता पैदा गरेको छ । होटलमा कसरी मृत्यु भयो भन्ने विषयमा पोस्टमार्टम रिपोर्टपछि मात्र थप विवरण आउनेछ ।