बारा प्रहरीद्वारा नौ विगाहमा लगाएको अबैध गाँजा खेती नष्ट

निजगढ २५ माघ :
प्रहरीले विहिबार बारा जिल्लाको उत्तरी क्षेत्र चुरेको फेदिमा नौ बिगाह खेतमा लगाएको अबैध लागुऔषध गाँजा खेती फँडानी गरी नष्ट गरेको छ । जिल्लाको निजगढ नगरपालिका वडा नं. १२ को डम्बरपुर तथा १३ को रतनपुरमा र जीतपुरसिमरा उपमहानगरपालिका वडा नं. २२ को चकरीमा १ लाख ८० हजार बोट गाँजा फँडानी गरी नष्ट गरेको हो ।

जिल्ला प्रहरी कार्यालय बारा, ईलाका प्रहरी कार्यालय निजगढ र अमलेखगजंबाट खटिएको संयूक्त प्रहरी टोलीले जीतपुसिमरा उपमहानगरपालिका वडा नं.२२ को चकरी र नयाँबस्तीमा ५ विगाहमा लगाईका एकलाख बोटहरु नष्ट गर्यो ।

यस्तै निजगढ नगरपालिका, वडा नं.१२ र वडा नं. १३ नम्बर वडा एरियामा ४ बिगाहमा लगाईएका ८०हजार बोटहरू नष्ट गरेको बारा प्रहरी प्रवक्ता प्रकाश सापकोटाले जानकारी दिए ।

जिल्लाको उत्तरी चुरे तथा आसपासको भावर क्षेत्रमा उल्लेखित परिमाणको अबैध रुपमा लगाईएको गाँजा प्रहरीले फँडनी गरेको हो । यसक्षेत्रमा लामो समयदेखी अबैध गाँजा खेती हुँदै आाएपनि प्रहरीकै संरक्षण हुँदै आएको थियो । बारामा प्रहरी प्रमुखका रुपमा सन्तोष तामाङ्ग आएपछि प्रहरीको टोलि फँडानीमा गएको हो ।

तामाङ्गले कार्यभार सम्हालेको केही दिनपछी गत २२ गते जिल्लाका पत्रकारहरुसँगको भेटमा बारा जिल्लामा अबैध लागु औषध गाँजा खेती प्रहरीकै संरक्षणमा हुँदै आएको छ ।

प्रहरी उपरीक्षक तामाङले लागू औषध र तस्करी नियन्त्रण गर्ने प्रतिबद्धता जनाएको दुईदिनपछी प्रहरीले १ लाख ८० हजार बोट सहित ९ विगाह गाँजा खेती फँडनीगरी नष्ट गरेको हो ।

जिल्लाको उत्तरी चुरेक्षेत्रमा बसौंअघिबाट ब्यापक गाँजा खेती हुने गरेको छ । मकवानपुर प्रहरीले बारा जिल्ला तिर र बाराले मकवानपुर तीर खेती रहेकाले आफ्नो कार्यक्षेत्र नपर्ने भनी टार्दै आएका थिए ।

दुबै जिल्लाका प्रहरीको अबैध आम्दानीको बलियो माध्यम बनेको गाँजा खेतीको संरक्षण उनीहरुबाटै हुँदैआएको थियो । तर तामाङ्गले गाँजा खेती माथीको कारवाही पुनः सुरुवात गरेसँगै अबैध गाँजाखेती पुनः नियन्त्रणमा आउने आशा पलाएको छ ।