वीरगञ्जमा नेकपा एमाले महानगर कमिटीको अभिमुखीकरण कार्यक्रम सम्पन्न

नेकपा एमाले वीरगञ्ज महानगर कमिटीको अभिमुखीकरण कार्यक्रम आज बिरगंजमा सम्पन्न भएको छ। पार्टीको केन्द्रीय नीतिअनुसार तीन महिने वडा केन्द्रित अभियानअन्तर्गत कार्यक्रम आयोजना गरिएको हो।

वीरगञ्जस्थित क्लासिक ब्यांकेटमा आयोजित कार्यक्रममा नेकपा एमालेका महासचिव शंकर पोखरेलले उद्घाटन गरेका थिए। कार्यक्रममा बिरगंज महानगर कमिटीका अगुवा कार्यकर्ताहरूको उपस्थिति रहेको एमाले केन्द्रीय सदस्य अरविन्द सिंहले जानकारी दिए।

कार्यक्रममा मिसन ८४ मा नेकपा एमालेलाई निर्णायक राष्ट्रिय शक्ति बनाउने र पार्टीका नेता तथा कार्यकर्तालाई समसामयिक विषयमा प्रशिक्षित गराउनुका संगठनलाई थप सुदृढ बनाउन कार्यक्रम आयोजनाको गरिएको हो ।
कार्यक्रममा महासचिव शंकर पोखरेलले पार्टीका नीति तथा कार्यक्रमबारे जानकारी गराउँदै कार्यकर्ताहरूलाई सक्रियतापूर्वक संगठन विस्तारमा लाग्न निर्देशन दिए।”पार्टीलाई अझ सुदृढ बनाउन, जनताको सेवामा समर्पित हुन र संगठन विस्तारलाई प्रभावकारी बनाउने कार्यमा जुट्न आवश्यक रहेको,” महासचिव पोखरेलको भनाइ रहेको थियो ।
कार्यक्रममा नेकपा एमालेका मधेस प्रदेश इञ्चार्ज लिलानाथ श्रेष्ठ, पर्सा इञ्चार्ज प्रभुख हजरा, केन्द्रीय सदस्य निर्मला देवकोटा,संघीय मामिला तथा सामान्य प्रशासन मन्त्री राजकुमार गुप्ता, प्रदेश कमिटीका उपाध्यक्ष तथा वीरगञ्ज महानगरपालिकाका इन्चार्ज बिचारी यादव,प्रदेश कमिटीका सचिव मनोज पौडेल। जिल्ला कमिटीका अध्यक्ष विशम्भर शर्मा प्रदेश सभाका पूर्व सदस्य प्रहलाद गिरी वीरगंज महानगरपालिकाका पूर्व नगरप्रमुख विजय सरावगीलगायतकानेताहरुको उपस्थित थियो ।

कार्यक्रमको अध्यक्षता महानगर कमिटी अध्यक्ष राजेन्द्र प्रसाद यादवले गरेका थिए भने सञ्चालन सचिव सुन्दर कुर्मीले गरेका थिए।