गणतन्त्रको बिकल्प गणतन्त्र नै हो -एमाले प्रदेश मधेस सचिब पौडेल

बारा ११ चैत :
सरकारको नेतृत्वकर्ता दल नेकपा (एमाले)ले संघीय लोकतान्त्रिक गणतन्त्रको पक्षमा जनसचेतना जगाउन देशव्यापी कार्यक्रम गरिरहेको छ । मुलुकमा राजावादीहरूले भ्रम सिर्जना गरेको भन्दै उक्त भ्रम चिर्न र गणतन्त्रको पक्षमा सचेतना जगाउन एमालेले अभियान चलाएको हो ।
सो कार्यक्रम अन्तर्गत आज चैत ११ गते सोमबार एकै दिन एकै समय देशैभरका ६ हजार ७४३ वडामा सचेतना कार्यक्रम गरेको छ ।
यसै क्राममा जितपुरसिमरा उपमहानगरपालिका वडा नम्बर ३ मा आज जनसचेतना कार्यक्रम सम्पन्न भएको छ। कार्यक्रम एमाले मधेस प्रदेश कमिटी सचिव मनोज पौडेलको प्रमुख आथित्यतामा सम्पन्न भएको हो ।
कार्यक्रममा बोल्दै सचिब पौडेलले लोकतन्त्रको बिकल्प लोकतन्त्र नै भएको बताउनु भयो । उहाँले लोकतन्त्रको सुन्दर पक्ष जनताका छोरा छोरिले सत्ता सन्चालन गर्न पाउने भएकोले राम्रो काम न गर्ने लाई फेर्न सकिने स्पष्ट पार्नु भयो ।पौडेलले २३८ बर्षे राजतन्त्रमा जनतालाइ अन्धकारमा राखिएकोले अब जनताले राजाको शासन स्विकार्ने न गर्ने उहाको भनाइ थियो । पुर्व राजा ज्ञानेन्द्रलाइ शासन सन्चालन गर्ने इच्छा भए पार्टी खोलेर निर्वाचनमा आउन आग्रह गर्नु भयो ।
कार्यक्रममा प्रदेश कमिटी सदस्य देबनारायण चौधरी,सुन्दर बिक,कृष्ण खनाल,अमृतलाल श्रेष्ठ,जितपुरासिमरा उपमहानगर कमिटीका उप सचिव त्रिलोक बिक्रम साह, रविन्द्र खकुरेललगायतको उपस्थिति रहेको थियो। वडा कमिटी अध्यक्ष सुक्र बहादुर श्रेष्ठको अध्यक्षतामा सम्पन्न कार्यक्रमको सहजीकरण गणेश थपलियाले गर्नुभएको थियो।
त्यसैगरी एमालेले जितपुरसिमरा सहित बाराका सबै वडामा जन सचेतना कार्यक्रम सन्चालन गरेको छ ।