मध्य तराईका किसानका समस्या र समाधान विषयमा छलफल बाराको कलैयामा सुरु

बारा
मध्यतराईका किसानका समस्या र समाधान विषय छलफल कार्यक्रम बाराको कलैयामा सुरु भएको छ । बारा पर्सा र रौतहटका किसानहरुको सहभागिता रहेको कार्यक्रम शहिद मुखलाल स्मृति प्रतिष्ठान र अखिल नेपाल किसान महासंघ नेपालले संयुक्त रुपमा आयोजना गरेको हो । कार्यक्रममा पूर्व मन्त्री तथा मुखलाल  स्मृति प्रतिष्ठान नेपालका अध्यक्ष पुरुषोत्तम पौडेल प्रदेशसभाका सदस्य सुन्दर बहादुर विश्वकर्मा सिता गुरुगं संविधानसभाका सदस्य जयराम दाहाल लगायतको उपस्थिति रहेको रहेकोछ । जिल्ला कृषि ज्ञान केन्द्र बाराका प्रमुख जितेन्द्र यादवले कार्यपत्र प्रस्तुत गर्नुभएको छ त्यसै गरेर विभिन्न कृषि क्षेत्रसँगका विज्ञले कार्यपत्र प्रस्तुत गर्ने कार्यक्रम रहेको छ । बारा पर्सा रौतहट लगाएत प्रदेश नम्बर २ का किसानहरुले भोगिरहेका समस्या हरु र समाधानका उपायहरु लाई सूत्रवद्ध गरी कृषि मन्त्रीस पेश गरिने प्रतिष्ठानका अध्यक्ष पुरुषोत्तम पौडेलले कार्यक्रममा जानकारी दिनुभयो । अखिल नेपाल किसान महासंघ प्रेम बरालको सभापतित्वमा भइरहेको कार्यक्रमको सञ्चालन जवाहिर अन्सारिले गर्नुभएकोथियो भने स्वागत मनोज पौडेलले गर्नुभएको थियो ।