पर्सा बहुदरमाईको बिश्रामपुरमा झडप हुँदा आधादर्जन घाइते

वीरगञ्ज ६ बैशाख

पर्साको बहुदरमाई नगरपालिका वडा नं. ९ दुई समुहबीच झडप भएको छ । नगरपालिकाको विश्रामपुर गाउँमा झडपमा परेर आधा भन्दा बढी स्थानीय घाइते भएका छन् ।

जिल्ला प्रहरी कार्यालय पर्सा अनुसार २ महिला सहित आधादर्जन व्यक्ति घाइते भएको जनाएको छ । घाइतेहरुको अहिले वीरगञ्जस्थित नेसनल मेडिकल कलेजमा उपचार भइरहेको स्थानीयहरुले जनाएका छन् ।

सामान्य विषयलाई लिएर विवाद हुँदा झडप भएको पर्साकी प्रहरी उपरीक्षक गङ्गा पन्तले बताउनुभयो ।

‘सामान्य विषयलाई लिएर झडप भएको पन्त भनाइ छ । ‘अहिले सम्पूर्ण जानकारी आएको छैन, आधा दर्जन जति घाइते भएका छन् र केहिलाई हामीले पक्राउ समेत गरेका छौं । अवस्था अहिले सामान्य छ, हामि अनुसन्धान गरिरहेका छौं, भोलि सम्म सबै कुरा प्रष्ट हुन्छ होला उहाँको भनाइ थियो ।

घाइतेहुनेमा सुशिला देवी, सुनिता गुप्ता, राधेश्याम गुप्ता, चन्दन गुप्ता र राजकुमार गुप्ता रहेका छन् । घाइतेहरुलाई सामान्य चोटपटक लागेको र अस्पतालमा उपचार भइरहेको उपरीक्षक पन्तले जानकारी दिनुभयो ।