जितपुरसिमरा उधोग बाणिज्य संघले जारी गरेको मूल्यसुचि प्रति सरोकार समितिको आपत्ति

जितपुर सिमरा नगर उद्योग वाणिज्य संघ ले जारी गरेको किराना तथा खाध्य सामानकाे मूल्य सूची प्रति जीतपुरसिमरा सार्वजनिक सरोकार समितिले आपत्ति जनाएको छ । आज बसेको सरोकार समितिको भिडियो कन्फरेन्स बैठकले सो मूल्य सूची प्रति आपत्ति जनाउदै फिर्ता लिन आग्रह गरेको हो । सरकारले तोकेको भुल्य र चलन चल्तीको मूल्य भन्दा धेरै महँगो सुचि जारी गरेकोले सो सुचिले कालोबजारीलाई प्रोत्साहन गरेको भन्दै नगर उद्योग वाणिज्य संघले जारी गरेको मुल्यसुचि तत्काल फिर्ता लिन आग्रह समेत गरेको छ । सरोकार समितिले थोक मुल्य प्रति किलो रू ७५/५० पर्ने चिनी रु ८५ /-तय गरेको,प्रति किलो रू ४२/-मुल्य  पर्ने पुरानो सोना चामल रु ४६/६६- तय गरेको,दाल,चामल खाद्य तथा किराना सामानमा अत्याधिक मुल्य तय गरेर कालोबजारी लाई प्रोत्साहन दिएकोले जारी गरीएको मुल्यसुचि तत्काल फिर्ता लिन सरोकार समितिको बैठकले आग्रह गरेको संयोजक मनोज पौडेलले जानकारी दिनुभयो । सरकारले जारी गरेको मूल्य सूचीलाई नै कार्यान्वन गराउनको लागि प्रशासन र स्थानीय सरकारलाई सरोकार समितिका संयोजक पौडेलले आग्रह गर्नुभएको छ । उहाँले कोरोना भाइरसबाट पिडित जनतालाई संघले जारी गरेको मुल्य सूचीले थप पिडित बनाएकोले तत्काल छानबिन गरी कारवाही प्रक्रिया अगाडि बढाउन सम्बन्धीत निकाय सँग माग गरिएको जनाउनुभएको छ  । सरोकार समितिका संयोजक मनोज पौडेल अध्यक्षतामा सम्पन्न बैठकमा छबिलाल शर्मा,कर्ण थापा, नारायण घिमिरे,राजु राज गिरी, रमेस सापकोटा,पेसल मुल्मी, बिदुर खडका लगायतको सहभागिता रहेको थियो ।