थप ५ मा कोरोना पुष्टि,संक्रमितको संख्या २५०पुग्यो

काठमाडौं 
थप ५ मा कोरोना भाइरस रोगको पुष्टि भएको छ । यसअघि आजै २ जनामा कोरोना पोजेटिभ देखिएको थियो । स्वास्थ्य तथा जनसंख्या मन्त्रालयका अनुसार संक्रमितको संख्या २५० पुगेको छ अध्यावधिक विवरण अनुसार कोभिड-१९ का पुष्टी भएकाहरूको जम्मा संख्या २५० पुगेको छ । राष्ट्रिय जनस्वास्थ्य प्रयोगशाला, काठमाडौंमा गरिएको परिक्षण अनुसार नयाँ पुष्टी भएको संख्या पाँच (५) छ ।
जो सर्लाही, धान्कौल न.पा. निवासी ४५ बर्षीय पुरुष; धनुषा, जनकपुर न.पा. र मिथिला न.पा. निवासी ४० बर्षीय पुरुष र २० बर्षीय महिला; महोत्तरी, जलेश्वर न.पा. र बलवा न.पा. निवासी १६, ३५ बर्षीय पुरुषहरू हुनुहुन्छ । हाल सम्म प्राप्त विवरण अनुसार उहाँहरू स्वास्थ्यकर्मीको सम्पर्कमा हुनुहुन्छ ।