नेकपा एमालेका बरिष्ठ उपाध्यक्ष ईश्वर पोखरेलले बारा २ मा हुने उपनिर्वाचनमा पार्टीले बाहिरबाट ल्याएर उम्मेदवार नबनाउने बताएका छन् ।
मिसन ग्रासरुट अन्तर्गत कलैयामा आयोजित जिल्ला स्तरीय प्रशिक्षण कार्यक्रमलाई सोमबार सम्बोधन गर्ने क्रममा नेता पोखरेलले जिल्लाकै धर्तीमा जन्मिएका र भुगोलमा राजनीति गरिरहेका व्यक्ति एमालेको उम्मेदवार हुने बताए ।
जनता समाजवार्दी पार्टीका केन्द्रीय अध्यक्ष उपेन्द्र यादव बारा २ बाट प्रतिनिधिसभा सदस्यको उम्मेदवार बन्ने चर्चा चलिरहेका बेला नेता पोखरेलले एमालेको उम्मेदवार बाराबासी बाहेक अन्य जिल्लाको नहुने बताएका हुन् ।
जनता समाजवादी पार्टीका रामसहाय यादव उपराष्ट्रपति पदमा निर्वाचित भएपछि बारा २ मा बैशाख १० गते उपनिर्वाचन हुँदैछ । सप्तरी २ मा जनमत पार्टीका अध्यक्ष डा. सिके राउतसंग पराजित भएका यादव बारा २ बाट उम्मेदवार बन्ने तयारीमा छन् ।
यादव बारा आउने चर्चा चुलिएसंगै राजनीतिक दलहरु चुनाव केन्द्रीत हुन थालेका छन् । एमाले नेता पोखरेलले बारा २ को निर्वाचनमा एमालेको उम्मेदवारलाई जिताउनुको विकल्प नरहेको बताए ।
कार्यक्रममा एमाले सचिव रघुविर महासेठले मधेसको मुद्धा उठाएर मधेसीको भावनासंग खेल्ने जसपा अध्यक्ष यादव बारा २ मा चुनाव लडे फेरी पनि पराजय हुने दाबी गरे । यादव चार महिनामै पद र सत्ताका लागि यादव तड्पिएको भन्दै महासेठले मधेसी जनताले त्यसको जवाफ चुनावमा दिने बताए ।
प्रशिक्षण कार्यक्रममा एमाले पोलिटव्युरो सदस्य पुरुषोत्तम पौडेल, अच्युत मैनाली, ज्वालाकुमारी साह लगायतले बोल्नु भएको थियो ।
दि, दु, थ, झ, ञ, दे, दो, च, चि (Pisces)
गु, गे, गो, सा, सि, सु, से, सो, द (Aquarius)
भो, ज, जि, खि, खु, खे, खो, गा, गि (Capricorn)
ये, यो, भ, भि, भु, ध, फा, ढ, भे (Sagittarius)
तो, ना, नि, नु, ने, नो, या, यि, यु (Scorpio)
र, रि, रु, रे, रो, ता, ति, तु, ते (Libra)
टो, प, पि, पु, ष, ण, ठ, पे, पो (Virgo)
मा, मि, मु, मे, मो, टा, टि, टु, टे (Leo)
हि, हु, हे, हो, डा, डि, डु, डे, डो (Cancer)
का, कि, कु, घ, ङ, छ, के, को, ह (Gemini)
इ, उ, ए, ओ, बा, बि, बु, बे, बो (Taurus)
चु, चे, चो, ला, लि, लु, ले, लो, अ (Aries)
