एमाले मधेस प्रदेशको बैठक जनकपुरमा सम्पन्न,पार्टी सदस्यताको नविकरण तथा नयाँ सदस्यता आवेदन उत्साहजनक रुपमा अघि बढेको निश्कर्ष

नेकपा एमाले मधेस प्रदेश सचिवालय कमिटीको बैठक आज जनकपुरमा सम्पन्न भएको छ । बैठकले पार्टी सदस्यताको नविकरण तथा नयाँ सदस्यता आवेदन उत्साहजनक रुपमा अघि बढेको निश्कर्ष निकालेकोछ । प्रदेश कमिटीका अध्यक्ष राम अवतार यादब अध्यक्षतामा र केन्द्रिय सचिब तथा मधेस प्रदेश इन्चार्ज योगेश भटटराईको प्रमुख आतिथ्यतामा सम्पन्न बैठकले यस्तो निश्कर्ष निकालेको हो । देशै भरी एमालेका कार्यकर्ताको नबिकरण गर्नेको संख्या घटेको चर्चा चलिरहेको बेला मधेस प्रदेशमा नबिकरण तथा नयां सदस्यता आबेदन उत्साहजनकरुपमा अधिबढेको निश्कर्ष निकालेको छ । सदस्यताको अभिलेखिकरण र प्रमाणीकरणको जिम्मेवारी अध्यक्ष राम अवतार यादब र जिल्लाका संगठन बिभाग प्रमुखहरुलाई प्रदान गर्नुका साथै साउन १५ सम्ममा यो काम सम्पन्न गर्ने निणय गरेको छ ।
त्यसैगरी बैठकले आगामी असोज ५ र ६ गते जनकपुरमा आयोजना गरिने पार्टीको मधेस प्रदेश अधिबेशनको उदघाट्न अध्यक्ष केपी ओलीद्वारा गराउने र अधिवेशन तयारीका लागि बिभिन्न उप समितिहरु गठन गरेको छ । साथै बिभिन्न पार्टीबाट नेकपा एमालेमा प्रवेस गर्ने नेता तथा कार्यकर्ताको ब्यबस्थापना गर्न सुमन प्याकुरेलको संयोजकत्वमा रेवती पन्त र जिल्ला ईन्चार्ज र अध्यक्ष रहेको एक कार्यदल गठन गरेकोछ ।
बैठकले मिथिला पार्टी भवन निर्माणका लागि लिला श्रेष्ठको संयोजकत्वमा जुली महतो, उमशंकर अडगरीया, राम अवतार यादब, सरोज यादब, दीपेन्द्र ठाकुर, मनोज खड्का, राजकिशोर यादव र अशोक केसी रहेको समिती गठन गरेको मधेस प्रदेश इन्चार्ज योगेश भटटराईले जानकारी दिनु भयो ।
उहाका अनुसार मधेसको आर्थिक÷ सामाजिक रुपान्तरणको तत्कालिन तथा दिर्घकालीन कार्यक्रम तयारीका लागि जुली महतोको संयोजकत्वमा एक समिति गठन गरियो । बिभिन्न क्षेत्रका विज्ञहरुलाई समावेस गरेर समितिलाई पूर्णता दीइने छ । प्रदेसभरी र बिभिन्न विज्ञहरुसँग छलफल र अन्तरकृया गरी अवधारणा पत्र तयार गर्ने निर्णय बैठकले गरेको छ ।
बैठले अधिवेशन गर्न बाँकी जनसंगठनहरुको प्रदेश अधिवेशन भाद्र २० गतेभित्र गरी सक्न र जिल्ला अधिवेशन मंसिर भित्रमा गर्न निर्देशन गरिएको पोटिब्युरो सदस्य पुरुषोत्तम पौडेलले जानकारी दिनु भयो । साथै २०८० चैत्रभित्रमा प्रदेस कमिटी, आठवटा जिल्ला कमिटी, १३६ पालिका कमिटी, १२७१ वडा कमिटी र ११४३९ वटा टोल कमिटीको अधिवेशन तथा गठन÷ पुनर्गठन सम्पन्न गर्ने निर्णय गरिएको छ । वडा तहसम्म पार्टी कार्यालय ब्यबस्था गरी पार्टी कामलाई ब्यबस्थित गर्दै जनगुनासा सुन्ने र सम्बोधन गरिने छ । प्रदेश, जिल्ला, पालिका र वडातहसम्म आवासीय प्रशिक्षण संचालन गरिने निर्णय गरीएको पौडेलले जानकारी दिनु भयो ।